• გასტრო გიდი

    შეფები

    რჩევები

    რეცეპტები

  • ბორჯომი კერძებთან

  • GEO

ტრუფელი

“როცა ჭკვიანი თხილის ტრუფელს ვქმნიდი, მინდოდა ცოტა უცნაური დესერტი მიმეღო, არც ტრუფელი, არც ირისი, თან ტრუფელი, თან ირისი, თან ხრაშუნა და თან ხავერდოვანი…

მიყვარს ტრუფელის გასინჯვისას თვალებს რომ ხუჭავენ და იღიმიან. არც კონდიტერი ვარ და არც კვების ტექნოლოგი, მაგრამ ასეთი რეაქციები ძალიან მაფრთიანებს და სხვა საყვარელი საქმეების კეთებაშიც მეხმარება.

მას შემდეგ რაც “ჭკვიანი თხილი” შევქმენი, უკეთესი მენეჯმენტ კონსულტანტი, განათლების ექსპერტი ან ლექტორი იმიტომ ვარ, რომ შემიძლია ჩემი შემოქმედებითი ენერგია ამ, სრულიად განსხვავებულ, სფეროში მივმართო.

“ჭკვიანი თხილი” მე და ჩემმა მეუღლემ ორი წლის წინ დიზაინ აზროვნების და მომხმარებლის გამოცდილების მართვის ყველა ასპექტის გათვალისწინებით შევქმენით. ეს პატარა კომპანიაა, რომელიც ქართული თხილის, ნუშის და მიწისთხილის პასტებს აწარმოებს.

რას გრძნობს, რას ფიქრობს ან რას აკეთებს ადამიანი, რომელიც ცდილობს ჯანსაღი ცხოვრების წესით იცხოვროს? ისეთი ადამიანი, როგორც წესი, ჭკვიანი, ყოჩაღი და მოხერხებულია და დროდადრო თავს ტრუფელის მსგავსი ნუგბარით ინებივრებს.” 

ნინა ანდრიაძე

ტრუფელი

მომზადების დრო

0-30 წთ

სირთულე

საშუალო

კალორიები

250-500 კალორია

საჭმლის ტიპი

დესერტი

ნინა ანდრიაძე

რეცეპტის ავტორი

ნინა ანდრიაძე

ტრუფელი

ინგრედიენტები

შესქელებული რძე

1 ჭიქა

კაკაო

5 სუფრის კოვზი

კარაქი

50 გრამი

მარილი

1 მწიკვი

ვანილის ექსტრაქტი

1 ჩაის კოვზი

კლასიკური ყოჩაღი ნუში

1 სუფრის კოვზი

ხრაშუნა ყოჩაღი ნუში

100 გრამი

საფეხური

droplet

1

chef

2 ს.კ კაკაო აურიეთ ½ ჭიქა წყალთან ერთად ერთგვაროვანი მასის მიღებამდე. სქელძირიანი ტაფა დადგით საშუალო ცეცხლზე, გადაიტანეთ კაკაოს მასა, დაუმატეთ კარაქი, მარილი და კარგად მოურიეთ.

საფეხური

droplet

2

chef
ვამატებთ კლასიკურ ყოჩაღი ნუშის პასტას და შესქელებულ რძეს, სულ ბოლოს ვანილის ექსტრაქტს. ვურევთ განუწყვეტლად, ვიდრე მასა არ შესქელდება და მორევისას გამოჩნდება ტაფის ფსკერი (5-10 წუთი). ტრუფელის მასა გასაცივებლად თეფშზე გადაგვაქვს.

საფეხური

droplet

3

chef
დარჩენილი კაკაო დაიყარეთ ხელის გულზე, სუფრის კოვზით აიღეთ ტრუფელის მასა, გააბრტყელეთ ხელით ან კოვზით, ცენტრში დასვით ½ ჩ.კ ხრაშუნა ნუშის პასტა, შეკარით ტრუფელი, ნაზად მოამრგვალეთ ხელის გულებით და ამოავლეთ კაკაოში.

სერვირება

droplet

4

chef
გემრიელად მიირთვით!

Comments

Most Recent

ნავიგაცია

  • გასტრო გიდი
  • ბორჯომი კერძებთან

ლინკები

  • გახდი ბორჯომის დისტრიბუტორი
  • უკუკავშირი

Developed By Leavingstone

Developed By Leavingstone