Search
Or
ყარსული მწვადი
30-60 Min
რთული
2
500+ Kcal

ყარსი თურქეთის ჩრდილო აღმოსავლეთში მდებარე ქალაქია, საკმაოდ საინტერესო ადგილი უჭირავს თურქეთისა და ამიერკავკასიის ისტორიაში, მაგრამ ეს ამბავი მემატიანეებს დავუტოვოთ, ჩვენ კი გემრიელი ფაქტები განვიხილოთ. ფაქტი პირველი, შაურმა ლევანტინურ-არაბული კერძია. ფაქტი მეორე, თურქეთში შაურმას დონერი ქებაბი ქვია, რაც პირდაპირ ითარგმნება ტრიალა ხორცად. ფაქტი მესამე - დონერიც და შაურმაც ერთერთი უძველესი სრულყოფილი კერძია, იმით, რომ მოიცავს ყველა პროდუქტს, რაც ადამიანს დღის მანძილზე ჭირდება, ბოსტნეულსაც, ცომსაც და ხორცსაც. ბევრი, რომ არ ვილაპარაკოთ,  ქართველებსაც შეგვიძლია ხორცის კარგად ტრიალი, მწვადის შეწვაც ვიცით და ქაბაბის, და აი აქ ჩნდება კითხვა, რატომ არ არსებობს ქართული შაურმა, ქართული ტრიალა ხორცი, რომელიც შუალედურია ქაბაბსა და მწვადს შორის. ამ რეცეპტში, ჩვენ გავაკეთებთ ყარსულ მწვადს, რაც არის თურქული დონერის ქართული ვარიანტი, ამას თან გავუკეთებთ სურნელოვან პურსა და მაწვნის სოუსს.

ingredients
250 250 გრ. საქონლის ხორცი
250 250 გრ. ღორის ხორცი
15 15 გრ. ქონდარი
150 150 გრ. ხახვი
150 150 გრ. ისპანახი
10 10 გრ. ქინძი
15 15 გრ. ნიორი
50 50 მლ. მაწონი
4 4 მწვანე წიწაკა
300 300 გრ. ხორბლის ფქვილი
30 30 გრ. საფუარი
3 3 კვერცხი
30 30 გრ. პრასი
30 30 გრ. სიმინდის ფქვილი
200 200 გრ. თეთრი მშრალი ღვინო
step 1
გავაკეთოთ პური: ფქვილში ჩავტეხოთ 2 კვერცხი, რომელიც უშუალოდ გატეხვის წინ გაირეცხა, შემდეგ 100 მლ მინერალური წყალი და მოვზილოთ, ცალკე ჭურჭელში ჩავასხათ 50მლ თბილი წყალი , დავამატოთ შაქარი და დაველოდოთ 10 წუთი, რომ საფუარმა სუნთქვა დაიწყოს და ბუშტები გამოუშვას. ფქვილის და კვერცხის მასას დავამატოთ მარილი, მესამედი კოვზი საკმარისია, ასევე ჩავამატოთ საფუვრიანი წყალი და 2 სუფრის კოვზი მაწონი, 2 კბილი დასრესილი და წვრილად დაჭრილი ნიორი, 2 ღერო წვრილად დაჭრილი მწვანე ხახვი, ან 2 ლებანი წვრილად დაჭრილი პრასი. კარგად მოვურიოთ, ვზილოთ 10 წუთის მანძილზე და გავაბრტყელოთ 1 სანტიმეტრის სისქეზე. ცომს გადავაფაროთ ნაჭერი, მოვათავსოთ კარგად დაფქვილულ ჭურჭელზე, თბილ გარემოში, 32 გრადუსზე და დავასვენოთ 40 წუთი. საფუარი ცოცხალი ორგანიზმია, განსაკუთრებით უყვარს შაქარი, მაგრამ ვერ უძლებს მაღალ ტემეპრატურას, ამიტომ, ძალიან ცხელ გარემოში ნუ შეინახავთ.
step 2
ღორის და საქონლის ხორცი დავჭრათ მოგრძო ნაჭრებად და დავბეგვოთ ძალიან თხლად. ხორცი ჩავდოთ ჭურჭელში, მოვაყაროთ ქონდარი, დაახლოებით 2 ჩაის კოვზი, მოვასხათ ღვინო და დავფაროთ მინერალური წყლით (ეს ტუტე გარემოს შექმნის, რაც ღვინის მჟავიანობას გაანეიტრალებს და ხორცის დარბილებას ხელს შეუწყობს), დავალბოთ 20 წუთით. შემდეგ ხორცი ავაცვათ შამფურებზე, რიგ-რიგობით, ღორის და ძროხის ნაჭრები, ის რომ წვნიანი ღორის ქონიანიმა ნაჭრებმა თავისი ცხიმი ძროხის ხორცსაც მოსდონ. მაწონში ჩავსრისოთ 2 კბილი ნიორი, ჩავასხათ ორი სუფრის კოვზი თაფლი და მოვაყაროთ შავი პილპილი. მარილი გემოვნებით. კარგად მოვურიოთ და გამოყენებამდე მაცივარში შევინახოთ. წარმოიდგინეთ, როგორი სასიამოვნო იქნება გრილი მაწონი ცხელ, ახალ გამომცხვარ პურთან და ახლად შემწვარ მწვადთან, მწვადის წვენი პურში რომ ჩადნება და არომატული სოუსით დაიფარება.
step 3
მაყალზე მოვათავსოთ ხორცი და მარილი არ მოვაყაროთ მანამ, სანამ ხორცის ნაჭრები გათეთრებას არ დაიწყებს, პარალელურად, წვრილად დავჭრათ ხახვი და ისპანახი და ერთმანეთში ავურიოთ. ისპანახი სალათის ერთ-ერთი ყველაზე დაუფასებელი სახეობაა, მას უმად საქართველოში თითქმის არავინ ჭამს, არადა, ყველაზე გემრიელი უმ მდგომარეობაშია. ამ ყველაფერთან ერთად პურიც მოვათავსოთ ღუმელში, 250 გრადუსზე, 4-5 წუთით, სანამ არ შეოქროსფრდება. ახალგამომცხვარი პური მყარი იქნება. ამასთან ერთად, მწვადიც შეიწვება, შეგიძლიათ შამფურს ბასრი დანით ჩამოაჭრათ შემწვარი ნაწილები, უმად დარჩენილი ნაწილი კი დააბრუნოთ მაყალზე. ჩამოჭრილი ხორცი ჩავყაროთ გაჭრილ პურში, მოვასხათ მაწვნის სოუსი და დავაყაროთ ისპანახი ხახვით.

How To Serve

ეს კერძი შეიძლება გაიშალოს თეფშზე და პური ცალკე მიირთვათ, ან პურში მოთავსდეს და ხელით შეიჭამოს, მისაყოლებლად, ტარხუნის ან რეჰანის ლიმონათს გირჩევთ, ასევე, ბორჯომში გახსნილ ბადაგს, პროპორციით - ერთი ერთზე.

Useful Tips

ყარსული მწვადის მზადებისას, ძალიან მნიშვნელოვანია, რომ მაყალზე ხორცმა ხშირად იტრიალოს, რათა ყველა მხარე თანაბრად დაიბრაწოს. ხორცი ნაკვერჩხალთან ახლოს უნდა იყოს. აუცილებლად იქონიეთ წყალი, რათა ჩააქროთ ცეცხლის გაჩენილი კერები.